काठमाडौ । पुरानो इन्भेष्टमेण्ट प्रा।लि। तीनकुने काठमाडौले आयोजना गरेको अन्तर मिडिया मैत्रीपूर्ण फुटसल प्रतियोगिताको उपाधि जनबोली डटकमले जितेको छ । आज भएको हलेसी खबर डटकम र जनबोली डटकमबीचको खेलमा १ गोलको अग्रताले जनबोलीले उपाधि हात पारेको हो । खेलमा जनबोली न्यूज नेटवर्कद्धारा सञ्चालित जनबोली डटकमले १६ गोल प्रहार गरेको थियो । बिरुद्धमा हलेसी डटकमले १५ गोल मात्र प्रहार गरेर चित्त बुझायो ।
प्रतियोगितामा जनबोली डटकमका उप–कप्तान शिशिर आचार्य म्यान अफ दि म्याच बने । जनबोलीको तर्फबाट शिशिर एक्लैले १५ गोल प्रहार गरेका थिए । अन्तिम समयमा खेल बराबरीमा थियो । जनबोलीका उपकप्तान शिशरले सेन्टरवारीबाट गरेको प्रहार गोलमा परिणत भएपछि हलेसीले हारको पिडा ब्यहोरायो । एक दर्जन खेलाडी लिएर मैदानमा उत्रिएको हलेसीले बारम्बार खेलाडी परिवर्तन गरेको थियो ।
हलेसीको तर्फबाट कप्तान हरिबोल आचार्य, उपकप्तान राज आचार्य सहित भलराज राई, नवराज राई, खेमराज राई ९देउसाली० जीवन आचार्य, अर्जुन पोखरेल, फुलु भूजेल, दिनेश आचार्य मैदानमा थिए । जनबोलीको तर्फबाट कप्तान इन्द्र आचार्य, उपकप्तान शिशिर आचार्य, सचिन आचार्य, सरक दाहाल, अनिस श्रेष्ठ सहभागी थिए । मैत्रीपूर्ण खेलको पुरस्कार १० हजार बराबरको खसी राखिएको थियो ।
खेल आयोजक पुरानो इन्भेष्टमेण्ट कम्पनी विभिन्न क्षेत्रमा काम गर्ने गरी स्थापना भएको कम्पनी हो । सञ्चार र प्रविधिको क्षेत्रका सबै कार्य, डिजिटल ब्यापारसँग सम्बन्धित अनलाईन सप लगायतका सम्पूर्ण कार्य, शिक्षा र स्वास्थ्यको क्षेत्रमा समेत लगानी गर्ने गरी स्थापना भएको संस्थापक सञ्चालक शिशिर आचार्यले जानकारी दिए ।
