खोटाङ, खोटाङ बिजयखर्कका १७ वर्षीय पुस्कल राई अहिले खोटाङमा जारी हलेसी साईनो स्टारको फाईनल राउण्डमा प्रतिस्पर्धा गरिरहेका प्रतियोगि हुन् । कक्षा १२ मा दिक्तेलकै सरस्वती माध्यमिक विद्यालयमा अध्ययन गरिरहेका उनि सानै उमेरदेखि गितसंगीतमा रुचि राख्ने व्यक्ति हुन् । दिक्तेलमा भएको अडिसन राउण्ड पार गर्दै अहिले फाईनल चरणसम्म पुगिसकेका राईसँगै अन्य १० जना प्रतियोगिहरु पनि मैदानमा छन् ।
आफूलाई गायनमा अब्बल बनाउँदै लैजाने उद्देश्य सहित यस प्रतियोगितामा प्रतिस्पर्धा जनाएका उनले हलेसी साईनो स्टार बन्ने ठूलो सपना सजाएका छन् । उनले आफ्नो व्यक्तिगत फेसबुक प्रोफाईलमा स्टाटस पोष्ट गर्दै आफूलाई हलेसी साईनो स्टार बनाउन सबैसँग भोट अपिल गरेका छन् ।
उनले भनेका छन् –‘सम्पुर्ण संगीत प्रेमी तथा साहित्यिक मनहरु प्रती मेरो नमस्कार, दिक्तेल रुपाकोट मझुवागढी नगरपालिका १५ बिजयखर्क बाट म पुस्कल राई । अहिले फाइनल चरणमा पुगिरहेको हलेशी साइनो स्टारमा म पनि एक स्टारको प्रतिस्पर्धि, यहाहरु ले अहिले सम्म माया साथ र सहयोग गरि यहाँ सम्म ल्याउनु भएको छ, अब अझ हजुरहरु को धेरै साथ, सल्लाह, सहयोग, माया, ममता साथै भोटको आवश्यकता परेको हुनाले मलाई भोट गरि स्टार बनाइदिनहुन विनम्र अनुरोध गर्दछु ।’ मलाई भोट गर्ने तरिका HSS Space 15 Type गरि 33001 मा SMS Send गरिदिनु होला
हलेसी साईनो स्टारको फाईनल कार्यक्रम यही फागुन २५ गते शनिबार दिक्तेलमा हुँदैछ । भोटगर्ने समय फागुन २४ गते बेलुकी सम्म मात्र रहने बताईएको छ ।
