काठमाडौं । नायक अनमोल केसी र नव नायिकान सुहाना थापा स्टारर सिनेमा ए मेरो हजुर ३ दोस्रो गीत सार्वजनिक गरिएको छ । झरना थापाद्वारा निर्देशीत दोस्रो सिनेमाको दोस्रो ‘परान’ गीत शुक्रबार सामाजिक सञ्जाल युट्युबबाट रिलिज गरिएको हो ।
सार्वजनिक गीतमा आशिष अविरलको संगीत, आनन्द अधिकारीको शब्द तथा आशिष अबिलर र अञ्जु पन्तको स्वर छ । यो गीतको भिडियो लाई प्रविन सिंहले कोरियोग्राफी गरेका हुन् । सांगीतक प्रेमकथा बोल्ने सिनेमालाई सुनिल कुमार थापाले निर्माण गरेका हुन् ।
यही सिनेमाबाट निर्माता सुनिल कुमार थापा र निर्देशक तथा अभिनेत्री झरना थापाले छोरी सुहाना थापालाई नेपाली सिनेमा क्षेत्रमा डेव्यु गराउँदै छन् । ए मेरो हजुर ३ आगामी नयाँ वर्षको अवसर पारेर चैत्र २९ गतेबाट नेपालभरका सिनेमा घरमा रिलिज हुँदैछ ।
