काठमाडौं । अभिनेत्री प्रियंका कार्की र अभिनेता आयुश्मान देशराज जोशीको औपचारिक बिहेको टुंगो नलाग्दै प्रियंका र आयुश्मानको चर्चित जोडीको बिहे पर्दामा उतारिएको छ । अर्थात् गायक सरोज ओली र मेलिना राईको अर्को जुनी खै कुन्नी गीतमा उनीहरुको बिहेका दृश्यहरु देख्न सकिन्छ ।
वैवाहिक कार्यका विविध दृश्यहरु म्यूजिक भिडियोमा समेटिएको छ । मेहन्दी, हल्दीदेखि विवाह मण्डपदेखि प्रियंकालाई डोलीमा चढाएर लगिएका दृष्य म्यूजिक भिडियोमा छ । दिनेश थपलियाको शब्द र दीपक शर्माको संगीत रहेको गीतको संगीत संयोजन उदयराज पौडेलले गरेका छन् ।कविराज गहतराजको निर्देशन रहेको म्यूजिक भिडियोको छायांकन सञ्जय लामा, सम्पादन सन्देश शाह, मिक्सिङ श्याम स्वेत रसाइली र कलर संयोजन रेनिस फागोले गरेका हुन् ।
फिल्ममा प्रयोग हुने प्रविधिबाट पार्क भिलेज रिसोर्ट, काठमाडौं गेस्ट हाउसलगायतका स्थानमा म्यूजिक भिडियो छायांकन गरिएको हो । सरोज र मेलिनाको स्वरमा रहेको माछीले खाने खोलीको लेऊ गीतले एक महिनामै करोड दर्शक पाएको थियो ।
म्यूजिक भिडियो
