भोजपुर। नयाँ बर्ष २०७६ को अवसरमा भोजपुरको चौकीडाँडामा खुल्ला वडास्तरिय मदन उमा कप पुरुष भलिबल प्रतियोगिता आयोजना हुने भएको छ। स्थानिय इन्द्रावती युवा क्लबले खेलाउने यो कप यस किसिमको आयोजना यो प्रथम पटक हो। यहि चैत्र २८ बाट औपचारिक खेल शुरु गरि नयाँ बर्षको दिन बैशाख १ गते फाईनल खेल खेलाईनुका साथै सांगितीक प्रस्तुतीले महोत्सबको माहोल बनाईन लागेको कुरा क्लबका अध्यक्ष अशोक कुमार राईले बताए।
शिल्ड, मेडल र प्रमाणपत्र सहितको प्रथम पुरस्कारको रकम पचास हजार रहेको छ भने द्वितीय पुरस्कारको रकम तीस हजार रहेको छ। बीस हजार रुपैंयाँको त्रितीय पुरस्कार रहेको खेलमा बेष्ट स्पाईकर, बेष्ट लिफ्टर, बेष्ट डिफेन्डर, बेष्ट ब्लकर, बेष्ट प्लेयर र फेयर प्ले टिमलाई पनि पुरस्क्रित गरिने उनले बताए।
खासगरि युवा बर्गलाई सिर्जनात्मक काममा सहभागि गराईरहने क्लबको उद्धेश्य अनुरुप प्रत्येक नयाँ बर्षलाई खेल र मनोरन्जनको माध्यमबाट सबैलाई समाहित गर्न कपको आयोजना गरिएको उनको भनाई छ। प्रायोजक सदस्य गजेन्द्र अधिकारीले समाजलाई एक सुत्रमा आबद्ध गर्दै युवा पुस्तालाई जागरण गराउने काम क्लबले बिगत केहि बर्षदेखी तिहारको अवसरमा खेल र सांस्क्रितिक कार्यक्रम मार्फत गरिआएको देखेर यसपटक अझ अरु ब्यापक बनाउन प्रायोजन गरिएको बताए।
खेललाई वडास्तरिय हुँदै प्रदेश तथा राष्ट्रिय स्तरमै आयोजना गर्न क्लब सक्षम हुने बिश्वास उनले लिएका छन्। नयाँ बर्षको दिन सम्पूर्ण दर्शकलाई मनोरन्जन गराउन कमेडियन गणेश ईशारा, न्रित्यकार शुसांत घिमिरे, गायकद्वय सुरेन्द्र पुलामी तथा गनु साङ्पाङ् राईका साथै अन्य स्थानिय कलाकार स्टेजमा प्रस्तुत हुनेछन्।
