खोटाङ, ३० चैत ः नयाँ वर्ष २०७६ को अवसरमा खोटाङमा प्रेस संगठन नेपाल र नेपाल प्रेस युनियनबीच मैत्रीपूर्ण फुटबल खेल हुने भएको छ । दुई संगठनको संयुक्त आयोजनामा दिउँसो १ बजेबार दिक्तेलबजारस्थित माटिकोरे खेल मैदानमा खेल हुने भएको हो ।
दिक्तेल रुपाकोट मझुवागढी नगरपालिकाको प्रायोजनमा हुने मैत्रीपूर्ण फुटबल खेल हुने प्रेस संगठन नेपालका केन्द्रीय सदस्य हरिवोल आचार्यले बताउनुभयो । जिल्लाको पत्रकारितालाई स्वच्छ, निर्भिक, व्यवसायिक तथा मर्यादित बनाउन सन्देश दिने उद्देश्यले खेल आयोजना गरिएको जनाइएको छ ।
जिल्लाका पत्रकारहरु यसअघिका विभिन्न मैत्रीपूर्ण खेलमा सहभागी बन्दै आएका छन् । खेलको तयारी सम्पूर्ण तयारी पूरा भएको । प्रेस युनियन खोटाङका अध्यक्ष उत्तम चौंलागाईंले जानकारी दिनुभयो ।
