काठमाडौं । नेपाली चलचित्र उधोगकी चर्चित अभिनेत्री प्रियंका कार्की र अभिनेता दिलिप रायमाझीले अभिनय गरेको नयाँ भिडियो पशुपतिमा सुनैको गजुर सार्वजनिक भएको छ । प्रियंका र दिलीप पहिलो पटक सुनैको गजुरमा एकसाथ देखिएका हुन् । नयाँ वर्षको दिन पारेर गीत सार्वजनिक भएको हो ।
दुर्गा खनाल घिमिरेले लेखेको यो गीतमा प्रताप दास र मेलिना राईले स्वर दिएका छन् । प्रताप दास नेपाल आईडलबाट लोकप्रिय बनेका गायक हुन् । गीतमा वसन्त सापकोटाको संगीत छ भने भिडियोको निर्देशन चन्द्र पन्तले गरेका छन् । पन्त भोजपुरी फिल्ममा एक्सन निर्देशक हुन् । गीतलाई डी फोर क्रियशनले युटुव च्यानल मार्फत सार्वजनीक गरेको छ ।
