काठमाण्डौ । भ्याइस अफ नेपालबाट चर्चामा आएका तेजेन्द्र गन्धर्व र वर्ता गन्धर्वको स्वरमा रहेको भ्रष्टाचार विरोधी गीत म त गीत गाउँछु हजुर सार्वजनिक भएको छ । गोकर्ण रुपाखेतीको शब्दमा सजिएको गीतमा संगीतकार नवीनकार्कीले संगीत भरेका छन् ।
गीतमा देशमा व्याप्त भ्रष्ट्राचार, बलात्कार र नेताहरुको गलत कामको विरोध गरिएको छ । भ्रष्टाचार विरोधी गीतको भिडियो साईराम पिक्चर्सले बजारमा ल्याएको छ । भिडियाको निर्देशन माधव खरेलले गरेका छन् भने सम्पादन तथा छायांकन राजन खरेलले गरेका छन् ।गीतका भिडियोमा गायक तेजेन्द्र गन्धर्व, गायीका वर्ता गन्धर्व, गीतकार गोकर्ण रुपाखेती शर्मा, हरिराम कार्कीलगायतले अभिनय गरेका छन् ।
