एजेन्सी । बलिउड स्टार सलमान खानले अभिनेत्री कट्रिना कैफसँग विवाह गर्ने अनुमान भारतीय मिडियाले गरेका छन् । पछिल्लो समय कट्रिनासँगको सम्बन्धलाई लिएर यस्तो अनुमान गरिएको हो।सलखान खानले कट्रिनाप्रति देखाएको लगाव र व्यवहारले गर्दा यस्तो अड्कलबाजी गरिएको हो । केही दिनअघि मात्र सलमानले कट्रिनाका लागि ५ करोडको गाडी उपहार दिएको विषय सार्वजनिक भएको थियो ।
त्यसो त बलिउडमा कट्रिनालाई यो उचाईको सफलता दिलाउन सलमानको ठूलो हात रहेको छ।अन्यलाई पनि मौका दिने सलमानले कट्रिनाप्रति निक्कै नै आशक्ति देखाउनुका कारण सम्बन्धलाई विशेष रुपमा हेरिएको हो ।
केहि समयअघि रणवीर कपुरको कारण कट्रिना र सलमानबीचमा केहि दरार आएको थियो । रणवीर कपुर दुईबीचको सम्बन्धबाट टाढिएपछि सलमान र कट्रिनाबीच विकास भएको सम्बन्धलाई अहिले विशेष चाँसोका रुपमा हेरिएको छ।बलिउड स्टार सलमान खान पछिल्ला फिल्महरुमा निरन्तर कट्रिना कैफसँगै छन् । निरन्तर सँगै काम गरिरहेका यो जोडीको फिल्महरु सफल पनि मानिन्छन् ।
