काठमाडौं । अर्पण थापाको निर्देशन रहेको फिल्म ‘घर’को ट्रेलर सार्वजनिक भएको छ ।अभिनेत्री सुरक्षा पन्तले फिल्ममा अभिनेता तथा निर्देशक अर्पणको श्रीमतिको भूमिका निर्वाह गरेकी छन् । अर्की अभिनेत्री बेनिशा हमाल भूतको भूमिकामा रहेको ट्रेलरबाट अनुमान लगाउन गाह्रो पर्दैन ।
ट्रेलरमा उनको र अर्पणको बेडसिन पनि समावेश गरिएको छ । फिल्म आउँदो साउन ३ गतेबाट देशभर प्रदर्शनमा आउँदैछ । शर्मिला पाण्डेलले निर्माण गरेको फिल्ममा नयाँ घरमा सर्दा श्रीमान् श्रीमतीले भोगेको आत्मासँगको कथालाई देखाउन खोजिएको छ । फिल्म डीएस डिजिटलको ब्यानरमा निर्माण गरिएको हो ।
निरज कँडेलको छायाँकन, सुरज पाण्डे प्रस्तुतकर्ता रहेको फिल्ममा अस्मिता खनाल, सरोज अर्याल, सृष्टि महर्जन र विकास खनालको समेत अभिनय रहेको छ । सन्तोष अधिकारी सह निर्माता रहेको फिल्म डिएस डिजिटल र एफडी कम्पनीले वितरण गर्दैछन् ।
