एजेन्सी । किर्गिस्तानको राजधानी विश्केकमा आयोजित एससीओ समिटमा इमरान खानले डिप्लोमेटिक प्रोटोकललाई वेवास्ता गर्दा चर्चामा आएका छन् । खानले एससीओको उद्घाटन सत्रमा सदस्य राष्टहरुका प्रमुख नेताहरुको आगमनमा हुँदै गर्दा डिप्लोमेटिक प्रोटोकललाई वेवास्ता गर्दै बसेका थिए । सभाकक्ष भर कुनै पनि सदस्यहरु बसेका थिएनन् ।
भाइरल बनेको भिडियोमा उनि अन्य सदस्य राष्ट्रका नेताहरु आउँदा बसिरहेको अवस्थामा देखिएका छन् । उनले आफ्नो गल्ती देखिसकेपछि पनि फेरि उठेर तुरुन्त बसेको देखिएको छ । उनको यस्तो भिडियो उनकै पार्टीका तहरीक ए इन्साफले ट्विटरमा शेयर गरेका छन् ।
यसअघि इमरान खानले इस्लामिक सहयोग संगठनको सम्मेलनको गरेको व्यवहारले साउदी अरबका सुल्तानले अपमान महसुस गरेका थिए । यसको कारण साउदी अरबको प्रशासनले विरोध पनि गरेको थियो ।
