सुरक्षाकर्मी र लडाकुबीच झडप, वरिष्ठ प्रहरी कमाण्डरसहित तीन जनाको मृत्यु, शराना । अफगानिस्तानको पूर्वी प्रान्त पाक्टिकाको याह्या खिल जिल्लामा बुधबार भएको झडपमा एक वरिष्ठ प्रहरी अधिकृत र तीन आतङ्ककारी मारिएका छन् ।
प्रान्तीय प्रहरी प्रवक्ता शाह मोहमद आर्यानले तालिबान लडाकू समूहले बार्माल जिल्लाका प्रहरी प्रमुख मोहमद आयुब थान्दारको सवारी साधनमाथि आक्रमण गरेपछि तालिबान र सुरक्षाकर्मीबीच झडप शुरु भएको जानकारी दिए।
तीन घण्टासम्म जारी यस झडपमा परी जिल्ला प्रहरी प्रमुख र तीन तालिबान लडाकूको ज्यान गएको विज्ञप्तिमा जनाइएको छ । यस झडपको क्रममा तीन लडाकू र जिल्ला प्रहरी प्रमुखका सहयोगी घाइते भएका छन् । उक्त झडप र लडाकू पक्षको क्षतिको विषयमा तालिवान समूहले कुनै टिप्पणी गरेको छैन । सिन्ह्वा
