बीबीसी । चीनलाई हङ्कङ हस्तान्तरण गरिएको २२औँ वार्षिकोत्सव मनाइँदै गर्दा हङ्कङमा प्रदर्शनकारीहरू र प्रहरीबीच झडप भएको छ।
वर्षगाँठका समारोह त्यहाँ भएका हिंसात्मक विरोध प्रदर्शनहरूका कारण प्रभावित भएका छन्।
प्रदर्शनकारीहरूले त्यहाँको विधायिकी परिषदको भवनमा जबरजस्ती पस्ने प्रयास गरेका थिए।
नाली सफा गर्ने ठानिएको तरल पदार्थले छ्यापिदिएपछि १३ जना प्रहरी अस्पताल भर्ना भएका छन्।
हङ्कङकी प्रमुख कार्यकारी क्यारी लाम झण्डोत्तोलन समारोहमा सहभागी भइरहँदा उक्त क्षेत्रमा दङ्गा प्रहरी परिचालन गरिएको छ।
उनीहरूले प्रदर्शनकारीहरूलाई तितरबितर पार्ने प्रयासस्वरूप पीपर स्प्रे अर्थात् आँखा पिरो पार्ने रसायन प्रयोग गरेका छन्।
यसअघि हङ्कङमा दशौँ हजार बेइजिङ समर्थक प्रदर्शनकारीहरू पनि प्रहरीको समर्थनमा र्यालीमा उत्रेका छन्।
सेतो र नीलो रङ्गका लुगा लगाएका प्रदर्शनकारीहरूले चिनियाँ झण्डा बोकेका थिए।
त्यहाँ एक महिनायता सुपुर्दगीसम्बन्धी एउटा विधेयकको विरोधमा प्रदर्शनकारीहरूले सहरमा प्रदर्शन गरेका छन्।
सन्दिग्धहरूलाई अभियोजनका लागि मुख्यभूमि चीन पठाउने सकिने प्रस्तावित व्यवस्थाको विरोधमा त्यहाँ अहिलेसम्मकै दुई ठूला र्यालीहरू आयोजना भएका थिए।
पछिल्लो केही समयदेखि एउटा प्रत्यारोपण विधेयक विरुद्ध ठूलो हङकङमा प्रदर्शन भइरहेको परिपेक्षमा यो विरोध आएको छ । त्यस विधेयकले हङकङका नागरिकलाई आवश्यक पर्दा मुद्दा मामिलाको लागि मुलभूमि चीन पठाउन सकिने व्यवस्था गरेको छ ।
हङकङ प्रशासनले विधयक फिर्ता लिने बताएको भए पनि ¥याली भने थामिएको छैन । पछिल्लो विरोध ¥यालीमा हङकङकी प्रमुख कार्यकारी क्यारी ल्यामको राजीनामाको माग आउन थालेको थियो ।
