हलेसी खबर
खोटाङ । मदन भण्डारी स्पोर्ट एकेडेमी खोटाङले भलिवल प्रतियोगिता संचालन गर्ने भएको छ । खोटाङ जिल्लाको बुईपा खेलमैदानमा अन्तरपालिका स्तरिय पुरुष भलिवल प्रतियोगीताको आयोजना गर्न लागेको एकेडेमीले पत्रकार सम्मेलन गरेर जानकारी दिएको छ ।
युवाहरुको चाहानालाई मध्यनजर गरेर भलिवल खेलको आयोजना गर्न लागिएको अध्यक्ष दिनेश साम्पाङले जानकारी दिएका छन् । १ लाख ११ हजार ११ रुपैया राशिको पहिलो पुरस्कार रहेको प्रतियोगिताको आगामी पुस १५ गतेदेखि संचालन हुने छ । दोस्रो पुरस्कार ७७ हजार ७ सय ७७ रुपैया रहेको छ । भने तेस्रो हुनेले ५५ हजार ५ सय ५५ रुपैया प्राप्त गर्ने छन् ।
सान्त्वना स्थान हासिक गर्ने समुहले ३३ हजार ३ सय ३३ रुपैया प्राप्त गर्ने छ । खेलमा विधागन उत्कृष्ट खेलाडीहरुलाई ट्रफि, मेडल र प्रमाण पत्र प्रदान गरिने आयोजकले जनाएको छ ।
