खोटाङ, २५ असोज । सुमधुर स्वरकी धनी गायिका शिला राईले नयाँ गीत ‘सुनैको स्वर्ग धिक्कार छ’ सार्वजनिक गर्नुभएको छ । आफ्नै युट्युब च्यानलमार्पmत गायिका राईले गीत सार्वजनिक गर्नुभएको हो ।
लामो सयमको अन्तरालपछि गायिका राई फेरि म्युजिक इन्ड्रष्टीमा पुनरागमन गर्नुभएको छ । केहि वर्षदेखि गायिका राई नेपाली म्युजिक इन्ड्रष्टीमा देखा पर्नुभएको थिएन ।
विश्वभर फैलिएको कोरोना भाइरसका महामारीका कारण जारी गरिएको लकडाउनपछि गायिका राइले आफ्नो गीति कोसेली लिएर पुनः दर्शक÷श्रोता तथा शुभचिन्तकहरुको माझमा आउनुभएको हो ।
भर्जिन भ्वाइस रेकर्डिङ स्टुडियोमा रेकर्ड भएको उक्त गीतको शब्द कवि तथा गीतकार भुपाल राईको र सँगीत कन्काईष्ट राईको रहेको छ । साहस शाक्यको सँगीत संयोजनमा तयार पारिएको उक्त गीत रोबर्ट लिम्बुले रेकडिङ गर्नुका साथै मीन बिष्टले मिक्सिङ तथा मास्टरिङ गर्नुभएको हो ।
उक्त गीतको लिरिकल म्युजिक भिडियोको निर्माण तथा सम्पादन जस्केलो क्रियसनले गरेको जनाइएको छ । उक्त गीतमार्फत विदेश गएर आफ्नो सँस्कार, सँस्कृति बिर्सिनुका साथै विदेशी सँस्कार, सँस्कृति र माटोलाई अङ्गालेका नेपाली नागरिकलाई आफ्नो देशको महत्व बोध गराइएको छ ।
