काठमाडौं, २८ मङ्सिर । सत्तारुढ दल नेपाल कम्युष्टि पार्टी (नेकपा)का अध्यक्ष पुष्पकमल दाहाल ‘प्रचण्ड’ले पार्टीका प्रवक्ता तथा राष्ट्रियसभा सदस्य नारायणकाजी श्रेष्ठका विषमा भ्रम फैलाइएको बताएका छन् । भर्खरै सकिएको नेकपाको स्थायी समिति बैठकमा प्रचण्डले यस्तो बताएका हुन् ।
बैठकपछि पत्रकारसँग कुरागर्दै नेकपा प्रवक्ता श्रेष्ठले प्रवक्ताका विषयमा सुनियोजित भ्रम फैलाइएकोले भ्रममा नपर्न प्रचण्डले आग्रह गरेका बताएका छन् । आजको बैठक पार्टीका केन्द्रीय सदस्य कमानसिंह लामाको निधनमा शोक प्रस्ताव पारित गर्दै सकिएको हो ।
मंसिर २१ गते बसेको बैठकमा भने दुई अध्यक्षका प्रतिवेदन र विभिन्न पत्र अध्ययनका लागि वितरण गरिएको थियो । आगामी बैठकबाट स्थायी कमिटी सदस्यहरुले बोल्ने कार्यक्रम तय हुनेछ ।
