काठमाडौँ, ४ माघ । सत्तारुढ नेपाल कम्युनिष्ट पार्टी (नेकपा)को प्रचण्ड–माधव समूहका नेता भीम रावलले प्रधामनन्त्री केपी शर्मा ओली एक नम्बरको भगौडा भएको आरोप लगाउनुभयो । अनेरास्ववियूले आइतबार काठमाडौँमा आयोजना गरेको उपत्यकास्तरीय भेलालाई सम्बोधन गर्नुहुँदै नेता रावलले यस्तो बताउनुभएको हो ।
रावलले ओलीलाई धुँदाधुँदा विधि र प्रक्रियाका डल्लाहरु सकिएको भन्दै व्यङ्ग्य गर्नुभयो । नेता रावलले ड्रमका ड्रम पानी र विधि र प्रक्रियाका डल्लाहरु सकिँदा पनि ओली नसुध्रिएको बताउनुभयो ।
