ललितपुर, २३ माघ । नेपाल कम्युनिस्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ले एमसिसीबारे पार्टी औपचारिक निर्णयमा पुगिनसकेको स्पष्ट पार्नुभएको छ । ललितपुरमा सञ्चारकर्मीसित साक्षात्कार गर्दै अध्यक्ष प्रचण्डले हिजोको आमहडतालमा एमसिसीबारे नारा लगाउने योजना नरहेको बताउनुभयो ।
पूर्वनिर्धारित नाराबाहेक अन्य नारा नलगाउन मात्र आफूले सम्झाएको भन्दै उनले एमसिसीबारे पुनर्मार्जित गरि लागु गर्नुपर्ने पक्षमा आफू रहेको बताउनुभयो । संवैधानिक परिषदको नियुक्तिलगायतका विषय गम्भीर रहेको अवस्थामा अन्य विषयमा नारा लगाउँदा विषान्तर हुने स्थिति देखेपछि आफूले निर्धारित नारा लगाउन सम्झाएको प्रचण्डले स्पष्ट पार्नुभयो ।
