खोटाङ,२२ साउन । ’द भ्वइस अफ नेपाल’को टप फोरमा पुगेका ज्वाला राईलाई जिताउनका लागि खोटाङमा पनि सामुहिक अभियान शुरु गरिएको छ। नेपालकै चर्चित रियालिटी सो द भ्वइस अफ नेपालको टप फोरमा पुगेका ज्वाला राईलाई जिताउनका लागि ज्वाला राई जिताऔं अभियान शुरु गरिएको हो ।
राईको समर्थकको भेलाले एलबि मगरको संयोजकत्वमा एक सय एक सदस्यीय राई जिताऔं अभियान जिल्ला समिति गठन गरेर अभियान थालिएको अभियानका संयोजक एलबी मगरले बताए । राई जिताऔं अभियान जिल्ला समितिका सह-संयोजकमा उदिम चाम्लिङ र सदस्य सचिवमा प्रतिमा केसी चयन भएका छन्।
द भ्वइस अफ नेपालको सिजन ३ मा पुगेका ज्वाला संगीतको नक्षेत्र प्रतिभा भएकाले टाइटल जिताउन अभियान थालिएको संयोजक मगरले बताए । सो अभियानमा भोट दिनका लागि मोबाइलको मेसेज बक्समा गएर ०६ टाइप गरी ३७००० मा एसएमएस पठाउन वा प्रभु पे एप डाउनलोड गरी भोट दिन सकिने संयोजक मगरले जानकारी दिए ।
