खोटाङ,२८ साउन । खोटाङमा अटोरीक्सा दुर्घटना हुँदा एक जना घाइते भएका छन् । दुर्छिमबाट हलेसीतर्फ आइरहेको स १ स ३४८५ नम्बरको अटोरीक्सा दुर्घटना हुँदा गुप्तेश्वर प्रावि अर्खौलेमा कार्यरत शिक्षक बैजनाथ यादव घाइते भएका हुन् ।
यादव हनुमाननगर ककालिनी नगरपालिका –१४ रमपुरा सप्तरीका स्थाई बासीन्दा हुन् । जयराम दिक्तेल सडक खण्डको सेलुवा खोलामा तिब्रगतिमा रहेको अटोरीक्सा अनियन्त्रित हुँदा सडकबाट ५० मिटर तल खसेको थियो । घाइते यादवको स्वास्थ्यचौकी दुर्छिममा प्राथमिक उपचार पछि थप उपचारका लागि जिल्ला अस्पताल दिक्तेल पठाइएको छ ।
हाल अटोरीक्सा प्रहरीको नियन्त्रणमा छ भने चालकलाई सम्पर्कमा रहने गरी छाडिएको इलाका प्रहरी कार्यालय हलेसीले जनाएको छ ।
