काठमान्डौं,९ भदौ । नेकपा एमालेका अध्यक्ष केपी शर्मा ओलीले अनुकुल समयमा जिम्मेवारी हस्तान्तरण गर्ने बताउनुभएको छ । बुधबार आयोजित पत्रकार सम्मेलनमा अध्यक्ष ओलीले कोही पनि निर्विकल्प नहुने बताउनुभएको हो ।
महाधिवेशनसम्मका लागि कसैले आफूलाई चुनौती दिइनहालेको भन्दै उहाँले भन्नुभयोे, “म अनुकुल समयमा जिम्मेवारी हस्तान्तरण गर्ने पक्षमा छु ।” अध्यक्ष ओली पक्षका नेताहरुले भने एउटा चुनाव र एउटा महाधिवेशन ओलीकै नेतृत्वमा हुने बताएका छन् । तर ओलीले भने यसबारे बोल्नुभएन ।
