खोटाङ,
पछिल्लो समय एमालेबाट टुक्रीएर माधब नेपाल समुहले समाजबादी पार्टी दर्ता गरेपनी खोटाङमा भने खासै असर देखिएको छैन । बरु एमाले प्रबेश गर्नेको लहरनै चलेको छ । आज नेपाल कम्युनिष्ट पार्टी (एमाले) खोटाङले समिक्षालय हलमा गरेकोे एक दिने जिल्ला स्तरीय अगुवा कार्यकर्ता भेलामा कांग्रेस, माओबादी र जसपा परित्याग गरि दर्जन बढी नेता कार्यकता एमालेमा प्रबेश गरेका छन् ।
प्रबेश गर्नेहरुमा नेपाली कांग्रेसबाट दिरुमनपा १४ बुईपाका पुर्व सभापति सुमन राई, नेपाल तरुण दलका नेता सुबिन राई, सईनध्वज राई, उत्तम राई प्रबेश गरेका छन् भने, दिरुमनपा–१२ जाल्पाबाट नेकपा माओवादी परित्याग गरि रत्नकुमार राई, पुर्ण राई, अमृत राई, भलकाजी राई र हरिकाजी राई एमालेमा प्रबेश गरेका छन् ।
यस्तै जनता समाजबादी पार्टी जिल्ला सदस्य पुर्ण बहादुर राई र जन्तेढुङ्गा गाउँपालिका निवासी मिलन राई जनता समाजबादी पार्टी परित्याग गरि नेकपा (एमाले)मा प्रबेश गरेको एमाले खोटाङका अध्यक्ष रामप्रसाद दंगालले बताउनु भयो । कांग्रेस लगाएतका पार्टीबाट मुलुक परिबर्तनको सम्भब नभएकोले एमाले रोज्नु परेको सुमन राईले बताउनु भएको छ । नब प्रबेशीहरुलाई खादा अबिर लगाएर एमाले नेताहरुले स्वागत गर्नु भएको थियो ।
