काठमान्डौ, ३१ असोज । कोरोना भाइरस (कोभिड-१९)को संक्रमणबाट पछिल्लो २४ घण्टामा देशभर ६ सय ८० जना निको भएर घर फर्किएका छन् । योसँगै नेपालमा कोरोना संक्रमणमुक्त हुनेहरुको संख्या ७ लाख ८१ हजार ४ सय ५६ पुगेको छ ।
पछिल्लो २४ घण्टामा देशभर ८ हजार ७७ जनाको परीक्षण हुँदा हालसम्म कुल ४९ लाख ५२ हजार ८४ जनाको पीसीआर-एन्टिजेन परीक्षण भएको छ ।
यसैगरी पछिल्लो २४ घण्टामा थप ६ संक्रमितको मृत्यु भएको छ । हालसम्म नेपालमा कोरोना संक्रमणबाट मृत्यु हुनेको संख्या ११ हजार २७६ पुगेको छ ।
