सल्यान, २ कात्तिक । नवगठित नेकपा (एकीकृत समाजवादी) एउटा गाँउपालिकामै रित्तिएको खबर छ । माधव नेपाल नेतृत्वको एकीकृत समाजवादीको छत्रेश्वरी गाउँपालिकाका नेता कार्यकर्ता एमालेमा ओइरिएका हुन् ।
उपमहासचिव प्रकाश ज्वालाका स्वकीय सचिव, समाजवादीका जिल्ला कमिटी सदस्य एवं युवा संघ केन्द्रीय सचिबालय सदस्य खड्क शाही, जिल्ला कमिटी सदस्य हिरा चन्द र युवा संघ सल्यानका कोषाध्यक्ष सुरेन्द्र चन्दसहित समाजवादीतिर लागेका सबै नेता कार्यकर्ता एमालेमै फर्किएका हुन् ।
उनीहरुको यो निणर्यसँगै छत्रेश्वरी गाउँपालिका १ दमाचौर सल्यानमा समाजवादी रित्तो बनेको बताइएको छ । ज्वालाको भ्रमबाट मुक्त भएको भन्दै उनीहरुले यस्तो निणर्य लिएका हुन् । एकीकृत समाजवादीका उपमहासचिव प्रकाश ज्वालाका स्वकीय सचिवसहित छत्रेश्वरी गाउँपालिकाका सबै नेता कार्यकर्ता फर्किएपछि एमाले उमंगमय बनेको छ ।
