कास्की, २८ कातिक । पौडी खेल्ने क्रममा पोखराको फुस्रे खोलामा डुबेर एक विद्यार्थीको मृत्यु भएको छ । भारत राजस्थान घर भई हाल गण्डकी मेडिकल कलेज पोखरामा एमबीबीएस प्रथम वर्षमा अध्यनरत २२ वर्षीय विश्वास पुनी पोखरा महानगरपालिका-१७ पावरहाउस नजिक फुस्रे खोलामा पौडी खेल्ने क्रममा आइतबार विहान अन्दाजी ११ः३० बजे डुबेर बेपत्ता भएका थिए ।
खोलामा बेपत्ता भएका पुनीलाई घटनास्थलदेखि १० मिटर तल फेला पारी प्रहरीले उद्धार गरी उपचारका लागि गण्डकी मेडिकल कलेजमा लगिएकामा उपचारका क्रममा मृत्यु भएको गण्डकी प्रदेश प्रहरी कार्यालय पोखराका प्रहरी नायब उपरीक्षक श्रवणुकमार विकले जानकारी दिए ।
प्रहरीका अनुसार घटनाको विषयमा थप अनुसन्धान भइरहेको जनाइएको छ ।
