बोलेरो जिप दुर्घटना हुँदा तीन को मृत्यु, १३ जना घाइते

हलेसी खबर सम्वाददाता
ओखलढुङ्गा, २९ कातिक । ओखलढुंगा सुनकोशी गाउँपालिकामा जिप दुर्घटना हुँदा तीन जनाको मृत्यु भएको छ । जिल्ला प्रहरी कार्यालयका अनुसार सोमबार विहान चम्पादेवी ककनी मन्दिर दर्शन गर्न हिँडेको प्रदेश ३-१०२२-च ९६९४ नम्बरको बोलेरो जिप दुर्घटना भएको हो ।

दुर्घटनामा परी १३ जना घाइते भएका प्रहरीले जनाएको छ । घाइतेहरुमध्ये ४ को अवस्था भने गम्भीर रहेको र उनीहरुको उपचारको लागि हेलिकप्टरमार्फत उद्धार गरि काठमाडौं ल्याइदै गरिएको बताइएको छ ।

बोलेरो जिप सोमबार बिहान करिब साढे ७ बजेतिर सुनकोशी गाउँपालिका ९ काँडेभञ्याङ नजिकै दुर्घटनामा परेको थियो ।