पाँचथर, ९ मंसिर । भालुको टोकाइबाट पाँचथरमा एक वृद्ध गम्भीर घाइते भएका छन् । फालेलुङ गाउँपालिका -३ का ८२ बर्षीय रामकुमार राई गम्भीर घाइते भएका हुन् ।
स्थानीय ठेप्चे भन्ने ठाउँमा गोठमा बस्दै आएका वृद्ध राई वस्तु खोलेर खर्कतिर लैजाँदै गर्दा भालुले एक्कासी आक्रमण गरेको पाँचथर प्रहरीले जानकारी दिएको छ ।
राईलाई भालुले शरीरका विभिन्न ठाउँमा टोकेर चोट पुर्याएको प्रहरीले जनाएको छ । राईलाई थप उपचारका लागि सदरमुकाम फिदिम ल्याइदै गरेको बताइएको छ ।
