खोटाङ, १५ चैत । प्रेस चौतारी नेपाल प्रदेश -१ का सह-इन्चार्ज हरिवोल आचार्यलाई गृह जिल्ला खोटाङमा बधाई तथा सुभकामना दिइएको छ । .मंगलबार गृह जिल्ला खोटाङ आइपुग्नु भएका आचार्यलाई नेकपा एमाले पार्टी कार्यालयमा नेकपा (एमाले) का प्रमुख सचेतक एवम् खोटाङ जिल्ला इन्चार्ज विशाल भट्टराई, केन्द्रिय कमिटी सदस्य, एक नम्बर प्रदेश पूर्व सामाजिक विकासमन्त्री एवम् जिल्ला सह-इन्चार्ज उषाकला राईले आचार्यलाई शुभकामना दिनुभएको हो ।
खोटाङबाट प्रकाशित हलेसी खबर साप्ताहिक र हलेसी खबर डटकमका सम्पादक आचार्यलाई नेकपा एमालेका केन्द्रिय सदस्य रमेश पौडेल, (एमाले) जिल्ला कमिटी खोटाङका अध्यक्ष राप्रसाद दंगाल, उपाध्यक्ष देवबिक्रम राई, जिल्ला समन्वय समिती खोटाङका उपप्रमुख गोमादेवी खत्री, नेपाल निजामति कर्मचारी सङ्गठका अध्यक्ष रेखा राईलगायतले अविर र खादा लगाएर बधाई तथा शुभकामना दिनुभएको हो ।
सह-इन्चार्ज आचार्य विगत डेढ दशक अघि देखी निरन्तर पत्रकारिता क्षेत्रमा निष्पक्ष कलम चलाउदै आइरहनु भएको छ । सम्पादक आचार्य प्रेस चौतारी नेपालका केन्द्रिय सदस्य समेत हुनुहुन्छ ।
प्रेस चौतारी नेपालको पोखरामा सम्पन्न नौँ महाधिवेशनपछी बसेको पहिलो केन्द्रीय कमिटीको वैठलले सात वटै प्रदेशको जिम्मेवारी विस्तार गरेको हो ।
