खोटाङ,३ बैशाख । सोलुखुम्बुमा नेपाली कांग्रेसबाट निर्वाचित दुई वडाअध्यक्ष नेकपा एमाले प्रवेश गर्नुभएको छ । माप्य दुधकोशी गाउँपालिका -६ का वडा अध्यक्ष दिनेश राई र वडा -७ का वडा अध्यक्ष सगुजित राई एमालेमा प्रवेश गर्नुभएको एमाले पालिका कमिटी अध्यक्ष जुनिता माया मगरले जानकारी दिनुभयो ।
तत्कालिन अवस्थामा नेकपा एमालेमै रहेका दिनेश राई २०७४ सालको स्थानीय तहको निर्वाचनको संघारमा कांग्रेस प्रवेश गर्नुभएको थियो । सोही निर्वाचनमा कांग्रेसले उम्मेदवार बनाएको थियो । सगुजित राई भने लामो समय देखि नेपाली कांग्रेसमा सक्रिय रहनुभएको थियो ।
अध्यक्षद्धयलाई नेकपा एमालेका केन्द्रीय सदस्य मानवीर राई, नेकपा (एमाले) प्रदेश नम्बर १ का प्रमुख सचेतक बुद्विकुमार राजभण्डारी, जिल्ला समन्वय समिति संयोजक वीर कुमार राई, नेकपा (एमाले) सोलुखुम्बुका अध्यक्ष डुफ कुमार बास्तोला, सचिव आश कुमार राई, जिल्ला सचिवालय सदस्य तथा माप्य दुधकोशी गाउँपालिका अध्यक्ष बुद्विकिरण राई, एमाले माप्य दुधकाशीका अध्यक्ष तथा गाउँपालिका उपप्रमुख जुनिता माया मगरलगायतले स्वागत गर्नभएको थियो ।
