ओखलढुङ्गा। युवती लाई यौन शोषण र कुटपिट गरेको आरोपमा प्रहरीले ओखलढुङ्गाका एक युवकलाई पक्राउ गरेको छ । सिद्धिचरण नगरपालिका–४ रुम्जाटारका करिब ३९ वर्षिय सुरेन श्रेष्ठलाई छिमेकी गाउँकी २५ वर्षिय एक युवतीलाई लामो समय सम्म पटक पटक यौन शोषण र कुटपिट गरेको आरोपमा शनिवार राती पक्राउ गरेको हो ।
जिल्ला प्रहरी कार्यालय ओखलढुङ्गाका प्रहरी निरिक्षक केशव अधिकारीका अनुसार युवतीको आँखा लगायतका शरिरका अन्य भागमा निलडाम हुनेगरी युवकले कुटपिट गरेका छन् । अनुसन्धानका क्रममा पीडित युवती युवककै घरमा करिब दुई वर्ष देखी घरेलु कामदारका रुपमा कार्यरत रहेको पाईएको प्रहरीको भनाई छ । घटनाका विषयमा थप अनुसन्धान भईरहेको प्रहरी निरिक्षक अधिकारीले बताए ।
यौन शोषण, कुटपिटलगायतका अपराध गरेको प्रारम्भिक अनुसन्धानबाट खुलेकाले पीडितको उजुरीका आधारमा मुद्वा अघि बढ्ने प्रहरीले जनाएको छ ।
शनिवार नै पक्राउ परेका युवालाई कसुर अनुसार कडा कारबाही गर्न महिला अधिकारकर्मीहरुले अपिल गरेका छन् ।
