आचार्य समाज बागमती प्रदेशको अधिवेशनको अन्तिम तयारी सम्पन्न भएको समाजका बाग्मती अध्यक्ष जयराज आचार्यले जानकारी दिएका छन् । ३ सयभन्दा बढी बागमतीका आचार्य प्रतिनिधिहरू उपस्थिति हुने अनुमान समाजले गरेको छ ।
बागमती प्रदेश अन्तर्गत १३ जिल्ला काठमाडौँ, ललितपुर, भक्तपुर, काभ्रे, रामेछाप, सिन्धुपाल्चोक, रसुवा, दोलखा, सिन्धुली, मकवानपुर, नुवाकोट, धादिगं, चितवनका प्रतिनिधिहरूको सहभागी तामा अधिवेशन सम्पन्न हुन गइरहेको र उक्त अधिवेशनमा व्यापक उपस्थिति रहने दाबी समाजका केन्द्रीय महासचिव शुभनराज आचार्यले बताए । गोरखा, काठमाडौँ, ललितपुर, भक्तपुर, नुवाकोट, धादिङ, चितवनलगायतका जिल्लमा समाज गठन भइसकेको र बाँकीमा गठन हुने प्रक्रियामा रहेको बताए ।
भर्खरै काठमाडौँ जिल्ला अधिवेशन सम्पन्न गरिएको भन्दै समाजले बागमतीलगायत देशभरका ७७ वटै जिल्ला, ७ प्रदेश र आवश्यक परेमा स्थानीय तहमासमेत आचार्य बन्धु समाज नेपाल गठन गरेर अगाडी गर्ने लक्ष समाजले लिएको केन्द्रीय अध्यक्ष बाबुराम आचार्यले बताए ।
अधिवेशन कार्यक्रम डिल्लीबजार चारखालस्थीत सिद्धि पोलिक्लिनिकको पारिपट्टि रहेको ईचिबान मल्टिकियुसाईन एण्ड मल्टीपर्पोज भेन्युमा दिनको ठिक ३ बजे सुरु हुने बताइएको छ ।
कार्यक्रममा केन्द्रीय समितिका पदाधिकारी तथा सदस्यहरू एवम् काठमाडौँ जिल्ला कार्यसमितिका पदाधिकारी तथा सदस्यहरूलाई निबार्चित प्रमाणपत्रको हस्तान्तरणको कार्यक्रमसमेत रहेको छ ।
समाजले यही भदौ १ गते जिल्ला अधिवेशन गरेको अवस्थामा १६ गतेका लागि प्रदेश अधिवेशन तोकेको थियो । आचार्य समाज छोरी–बुहारी बिभागको आयोजनामा भदौ २३ गतेका लागि भव्य दर खाने कार्यक्रम रहेको छ । सम्पर्कका लागि अध्यक्ष जयराज आचार्य (९८५१०८१२४४), आजीवन सदस्य एवम् अधिवक्ता लक्ष्मण आचार्य (९८५१०५१७६३) तथा बागमती प्रदेश सदस्य प्रकाश कुमार आचार्य(९८४३०४६८६८) लाई तोकिएको छ । समाजले अधिवेशन कार्यक्रम सभ्य र भव्य हुने अनुमान गरेको छ ।
