बिराटनगर / नेकपा एमाले कोशी प्रदेशको अध्यक्षमा घनश्याम खतिवडा र विनोद ढकालले उम्मेदवारी दर्ता गरेका छन् ।
सहमतिको प्रयास असफल भएपछि दुवै नेताले उम्मेदवारी दर्ता गरेका हुन् । ढकालको समर्थकमा मुकेश बुढाथोकी र प्रस्तावक महेश भट्टराई छन् ।
खतिवडाको प्रस्तावकमा रामप्रसाद दंगाल र समर्थकमा छत्रपति प्याकुरेल छन् । २१५ सदस्यीय कार्यसमितिका लागि आइतबार मतदान हुनेछ ।
कोशी प्रदेश अध्यक्षका उम्मेदवार घनस्याम खतिवडा एक निष्ठावान पुराना नेता मानिन्छन् । जननेता स्व.मदन भण्डारीबाट पार्टी सदस्यता लिएका खतिवडालाई पार्टी अध्यक्ष केपी शर्मा ओली सहित महासचिव शंकर पोखरेलको समेत भित्री समर्थन रहेको बताइएको छ। पार्टी अध्यक्ष ओलीले घनस्याम खतिवडा पुराना र जनपृय नेता भएकोले उनका नाममा सर्वसम्मत गर्न सङ्गेत गरेका थिए तर अध्यक्षका अर्का प्रत्यासी विनोद ढकालले छोड्न नमानेपछि निर्वाचन निश्चित बनेको हो।
पार्टीमा लामो योगदान गरेका र कार्यकर्तामाझ अति नै भिजेका हुनाले घनस्याम खतिवडाको चर्चा उच्च देखिएको छ। कोशी प्रदेशका अधिकांश शिर्ष नेताहरुको पनि साथ खतिवडालाई रहेको हुनाले उनको जीत सुनिश्चित रहेको नेताहरुले बताएका छन् ।
