खोटाङ, १२ भदौ । लोक दोहोरी गायिका बालिका तामाङको तिज गीत ‘जुत्ता भिजायो’को म्युजिक भिडियो सार्वजनिक भएको छ । गायिका तामाङको शब्द तथा आरेम सुनारको सँगीत रहेको ‘जुत्ता भिजायो’ बोलको तिज गीतको म्युजिक भिडियो हालै सार्वजनिक भएको हो ।
अञ्जना बस्नेतले निर्देशन गर्नुभएको म्युजिक भिडियोमा वर्षा बस्नेत, आयुष्मा रायमाझी, ओसिन सुनार र आराध्य गोतामेको अभिनय छ । म्युजिक भिडियोमा हिन्दु महिलाहरुको महान चाड तिजमा साथीसङ्गी भेट हुँदा एक अर्काको भावनाहरु गीतको माध्यमबाट प्रस्तुत गरेको पर्दामा देख्न सकिन्छ ।
गायिका तामाङ र लक्ष्मी बिसीको स्वरमा सजिएको तिज गीतको म्युजिक भिडियो विष्णु बेल्बासेले छायाङ्कन गर्नुभएको जनाइएको छ । म्युजिक भिडियोको सम्पादन र कलरिङ अनिश खड्का र सुनिल विश्वकर्माले गर्नुभएको हो ।
सोनिक एच डि सामाखुसीमा रेकर्ड गरिएको तिज गीत ‘जुत्ता भिजायो’ आरेम सुनार अफिसियल युट्यूब च्यानलमार्फत सार्वजनिक गरिएको छ । मकवानपुरमा जन्मिएर चितवनमा बस्दै आउनुभएकी गायिका तामाङको ‘कलधारा पानीको’, ‘आत्महत्या’, ‘सालैजो’, ‘गोर्खाली वीर’, ‘भन्देउ भगवान’, ‘चेलीमाइती’, ‘मेरो बाबा’ लगायत तीन दर्जन बढी गीत सार्वजनिक भइसकेको छ ।
भिडियो हेर्नुहोस :
https://www.youtube.com/watch?v=O2BXLupXsBA&t=87s
