धम्बोझी। बर्दीयाको गुलरिया नगरपालिका–५ कृष्णनगर टोलमा एक युवकले आफ्नी श्रीमतीलाई चिरपटले टाउको हानि सोमबार राति हत्या गरेका छन् ।
अन्दाजी ३० वर्षीय मोहन बोहराले श्रीमती सुस्मा कुँवरलाई राति ११ बजेतिर चिरपट प्रहार गरी हत्या गरेका हुन । बुटवलस्थित जबरगणमा कार्यरत सैनिक जवान बोहराले हत्या गरेको जिल्ला प्रहरी कार्यालयले जनाएको छ । श्रीमतीको हत्यापछि भागेर भारततर्फ जाँदै गर्दा बोहरालाई प्रहरीले राति मधुवन नगरपालिकाको सानोश्रीमा पक्राउ गरेको थियो । बोहराका आमा मैयाँ र बुबा टीकारामको समेत हत्यामा संग्लनता रहेको स्थानीयवासीको आरोप छ ।
